А Э Б В Г Гу Гъ Гъу Д Дж Дз Дзу Е Ж Жъ Жъу Жь З И Й К Ку Къ Къу Кхъ Кхъу Кl Кlу Л Лъ Лl М Н О П Пl Пlу Р С Т Тl Тlу У Ф Фl Х Ху Хъ Хъу Хь Ц Цу Цl Ч Чl Ш Шъ Шl Шlу Щ Щl Ю Я l

Дыгулыпхъу и псэлъыхъухэр — Жъыу

1 тетхыхьа
Хъумэ
Для плеера требуется установить Flash Player

И бжьамиижьыр жьыуэ къегъаджэ,
И мэл гуартэшхуэр джабэм кlэрехуэ.
Нартхэ Амыщыжьри си псэлъыхъукъэ,
Бэрэ къыслъыхъуами, сыхуэмейкъэ!

Дагъэр и нэкlум къыревыкlри,
И пщэм мэл хьэпlатlэр кlэрымыкlи.
Нартхэ Амыщыжьри си псэлъыхъукъэ,
Бэрэ къыслъыхъуами, сыхуэмейкъэ!

Мафlэр и lэгум къолыдыкlыри,
Зэпэлыдыкlыри и lэщlагъэщ.
Нартхэ Лъэпщ къаныр си псэлъыхъукъэ,
Бэрэ къыслъыхъуами, сыхуэмейкъэ!

Пщэдджыжьым си къалэнщи узогъэпскlри,
Пщыхьэщхьэ къэскlэ хэт усхуигъэпскlын?
Нартхэ Лъэпщ къаныр си псэлъыхъукъэ,
Бэрэ къыслыхъуами, сыхуэмейкъэ!

Курпыщхьэ бжьэпэ укъыщоуэ
Джылызэ нэсыжари еблыгъуэхщ жи
Нартхэ Щэбэтыныкъуэри си псэлъыхъукъэ
Бэрэ укъыслъыхъуми, сыпхуэмейкъэ!

Гъуэгыгъуащэ бадзэуэгъуэ щакlуэри зэдохьри,
Губгъуэм уит зэпытщи, сыпхуэмейкъэ.
Нартхэ Щэбэтыныкъуэри си псэлъыхъукъэ,
Бэрэ укъыслъыхъуми, сыпхуэмейкъэ!

И Тхъуэжьей цlыкlур лъэбышэ мащlэщ,
Езы цlыкlур жырщи, lэщэхуэфlкъэ.
Нартхэ Сосрыкъуэри си псэлъыхъукъэ,
Бэрэ къыслъыхъуами сыхуэмейкъэ!

Лъэпэкlэрыхъщ, жэмыхъуэрылъхущ,
Фыз псэжьым къилъхуащи сыхуэмейкъэ,
Нартхэ Сосрыкъуэри си псэлъыхъукъэ,
Бэрэ укъыслъыхъуми, сыхуэмейкъэ!

Цей lэфракlэ щэщlыр лъэпэд пхуримыкъу,
Уэ цей пхурикъуни сэ хэт езгъэджын?
Нартхэ Арыкъщауэри си псэлъыхъукъэ,
Бэрэ укъыслыхъуми, сыпхуэмейкъэ!

Лъэбыцэжьейри си псэлъыхъукъэ
Бэрэ укъыслъыхъу щхьэкlэ, сыпхуэмейкъэ!
Шэпсыранэ жэпкъым ухэкlуадэм,
Пхъэ вакъэ шууэ дэнэ укъисхыжын?

Афэ гъуэншэджиблыр къегъэлажьэ,
И къаугъэ лажьэми дэ димыкlи.
Нарт Ехъутэныджыжьри си псэлъыхъукъэ,
Бэрэ къыслъыхъуами, сыхуэмейкъэ!

Шы джэмыдэжьыр хым нытырехуэ
Кхъуэ къуэлэн щийри и зэ къэхугъуэщ.
Къанж и къуэ Щауей си псэлъыхъукъэ,
Бэрэ къыслъыхъуами, сыхуэмейкъэ!
И анэр нэрыбгейщи, сезэгъынукъым!

И шы пэхушхуэр насэ-пасэщ,
Езы цlыкlур есщи, lэщэхуэфlкъэ.
Ашэм и къуэ Ашэмэзыр си псэлъыхъукъэ,
Зы шу къыслъигъэхъуми, сыдэкlуэнут!

Емыщlэхэ гуащэм уэ урипхъу кlасэт,
Удиблым я кум ущагъэсат.
Нарт щауэфlу исхэми уахуоусэ,
Бэрэ усхуэусэми, сыпхуэмейкъэ.

Тэджэлей цlыкlур, дыщэ мэlури,
Лlыгъэкlэ зыбгъэlу щхьэкlэ, улlымыхъукъэ!
Ашэм и къуэ Ашэмэзыр си псэлъыхъукъэ,
Бэрэ укъыслъыхъуми, сыпхуэмейкъэ!

ЖЪЫУ • Нэгъыщэ: ,

1 тетхыхьа “Дыгулыпхъу и псэлъыхъухэр — Жъыу”

Тетхыхьа berzek
Щатхар 22.01.2013 - 14:47

а разве не Мэлычыпхъу?

Тетхыхь